Facebook Twitter Google +1     Admin

remenches dende l\'alto galligo

Dende l'Alto Galligo

Temas

Enlaces

Archivos

 

Se muestran los artículos pertenecientes a Septiembre de 2007.

Enta Escartín

20070903082909-images.jpgO diya sabado 8 de setiembre, gambada enta Escartín de Sobrepuerto, salida á ras 8 oras dende a Cruz de Basarán guiatos con José Mª Satué Sanromán. Organiza: Asoziazión "O Zoque de Ballibasa y Sobrepuerto".
03/09/2007 13:29. remenches #. sin tema

CURBA ROYA

20070906094223-zaragoza.jpg

Red Supporters Basket Zaragoza. Temporada 07/08. Colla d'inchas antifaxistas creyata fa ya cuasi tres añadas t'animar a o Basket Zaragoza. Afrontamos a nuestra terzera añada con a mesma ilusión y o mesmo ocheutibo, alcanzar FACB; iste año tendremos más opzions ya que o primer clasificau tien aczeso dreuto sin amenistar chugar os playoffs. L'abono más barato cuesta 65€, pero al estar colla se rebaixa a 50€ + 10€ de conduta d'a colla. Biene-te-ne a animar a l'equipo, partizipar n'os tifos, ir a beyer a o Zaragoza difuera d'a nuestra ziutat, chilar sin aturar. No te lo pienses más y biene-te-ne a la Curba con os tuyos amigos. Sector 56, Oniy Reds Entalto Zaragoza! Más info: curbaroya@hotmail.com www.curbaroya.tk

04/09/2007 15:10. remenches #. sin tema

A las Barricadas!!!

Desobedienzia Zibil YA!!

Ola pos que bi ha chenta ta tot. Q. panorama.

 

Nusatros millor puyamos ta Echo, do ro diya lunes 10, á ixo d'as 14,30 se fa chenta en a plaza con a colla "Tueque de Teatro d'Echo", chugando escritos de Chusé Coarasa y Mariví Nicolás.

D'atra parti se ha feito poblica a nueba costituzión d'a Comarca Alto Galligo, ta qui li intrese la tiene astí (en aragonés profes).

07/09/2007 13:36. remenches #. sin tema

Poemeta pelaire

20070917120144-sta-elena-1.jpg

Atras begadas, os arizóns / d’a tuya boz chunto a xerata / fa escotolar a ros pastors / dizindo-lis que ye plegata / a nieu, a nieu entalto d’os mons.

Ta dimpués, dezaga d’o ibierno / escalibar con o suyo soflito / ixe traquito ensondormito / d’os lugars, d’as chens y d’o esprito...

Maisimo Palazio Allúe (Traquitos de Biescas)

17/09/2007 17:03. remenches #. sin tema

A Buerda en a prensa estatal de 1857

20070918094805-num107.jpg

Articlo poblicato en a rebista El Gurrión
Nº 107 - Mayo 2007
Que un lugarón sobrarbenco como A Buerda amaneixca en a prensa estatal ye notizia, pero encara lo ye muito més si o periodico ye d’o sieglo XIX.

Asinas, se daba notorio en o diario La Iberia de Madrid, o diya biernes 30 de chinero de 1857, en a plana tres de dito periodico, en a sezión de Probinzias. Iste diario fundato en tres añadas antis d’a poblicazión d’a notizieta, yera un periodico progresista fundau per Pedro Calvo Asensio, esbielló o estilo d’ixe serio periodismo pulitico que se feba dica agora fendo-lo más polemico. Baxo a direuzión de Práxedes Mateo Sagasta desembolicó asabelo granizo paper en a preparazión d’a Reboluzión de 1868. Se soztetulaba Diario Liberal de la Mañana.Pos bien, en ixe meyo de comunicazión madrileño amanixe iste sucoso notorio que prenzipia charrado d’os furtos:Los robos se suceden en el Alto Aragón con frecuencia, efecto sin duda de la falta de trabajo de la clase proletaria y del aumento que han recibido los precios de los comestibles. En puntos nada lejanos á la población de Huesca, se han cometido varios robos hace pocos dias. En el camino de Barbastro á Naval acostrumbran también aparecer rateros y hasta dentro de las poblaciones se ensayan los modernos apóstoles”.Dimpués de feita á presentazión d’a inseguridá ziudadana en ixas embueltas d’o Altoaragón de meyatos d’o sieglo XIX, pasa á rilatar as peripezias de A Buerda:Nuestro corresponsal de Barbastro nos indica que en Labuerda, pueblo del partido de Boltaña, se ha ideado y planteado un nuevo sistema para satisfacer las deudas. El caso es el siguiente: Un comerciante de la referida ciudad de Barbastro mandó á un dependiente con objeto de cobrar una cantidad nada despreciable, y habiéndose personado en la casa del deudor, le hizo este pasar á una habitación interior, en donde había una mesa con papel y tintero, y compelió, exhibiéndole un trabuco, á que estendiera y firmára el recibe de la cantidad que se reclamaba. El pobre dependiente, convencido de la razon que asistia al trabuco, estendió el recibo y firmó.”Como beyemos unas trazas furas de fer as cosas, que tampoco no podemos nusatros comprebar a berazidá d’a informazión u si yeran alpazeos de Balbastro. A informazión remata dizindo que “La cosecha de la oliva ha terminado ya en aquel país, y más de seiscientos jornaleros que encontraron trabajo durante aquellas faenas, se hallan espuestos á la mas espantosa miseria, si pronto, muy pronto, no se acude con eficaz remedio á socorrerla. Sus efectos  empiezan á notarse de un modo alarmante y algunos hechos  que en estas últimas noches han tenido lugar dentro de los muros de la ciudad del Vero, empiezan á estender la alarma y el temor entre las personas acomodadas, cuya seguridad se halla comprometida.” Pos ixo, namás querebamos que compartir ista curiosidá de á presenzia d’iste notorio de A Buerda en a biella prensa de Madrid. Pasaría ixa secuenzia de berdá? Qui lo sabe…

Óscar Latas Alegre

18/09/2007 14:48. remenches #. sin tema

Relatos para Sallent

20070920111952-sallen-2-.jpg

Reseñar un libro cualas estrenas marchan solidarias enta un proyeuto d’amostranza en a ziudá de El Alto en Bolivia ye cuasi un deber. Se trata d’o bolumen que repleca o Premio de Relatos "Luis del Val" en as suyas III e IV edizions. Ye iste un premio literario añal ta relatos curtos (ta leyer en tres minutos) que comboca o Conzello de Sallén de Galligo en omenache á o escritor y periodista aragonés Luis del Val. Bi ha premios ta dos modalidaz: aragonés y castellano. Istos premios, chunto con os aczesits se replecan en un libro que se publica totas as dos añadas.En o libro podemos trobar de traza normalizata relatos breus en castellano e aragones toz chuntos e barrechatos, de traza normal como si as dos luengas fesen pacha cutiana, normal, predominando profes, como en a soziedá os relatos en a luenga de Castiella. D’entre os treballos trobamos en ista edizión sais en aragonés, son os dos ganadors d’as combocatorias d’as añatas 2006 e 2007, amás de atros cuatro finalistas, dos de cada año.Os dos ganadors son “A ulor”, en 2006 de o profesor sarrablés d’aragonés en l’Alto Galligo M. Ramón Campo, que ye un relato en o que se nos diz que o formache siempre ha estato a perdizión d’os zorzes e “Cazar charlos” o ganador en 2007, d’a filologa Mª Pilar Benítez Marco, ro intimísmo d’una mai que ye en o leito como dende cuasi fa sais meses.D’entre os finalistas bi ha dos treballos de M. Anchel Barcos en dialeuto fagotano, “Un inte ye un zarpau de bidas”, istoria de carretera en a berde Bretaña, e “Falca de chinebro”, un relato per si bi’stiera dreito, lei y chustizia.Zarran os treballos en aragonés un relato d’o choben sarrablés Francho Ch. Miguel Casbas con “Quiesta parola”, una carta enta una luenga que muere, e o ayerbense Chusé Antón Santamaría con “Rurals e rurbanos” a  istoria de Inazio, un mesache zincuentón.En l’atra luenga destacan escritors afamatos en relatos breus como Mª Victoria Trigo Bello, Oscar Sipán Sanz u Marta Iturralde Navarro, chunto d’os locals Jesús Castillo u David Dumall Puértolas, u os dos ganadors Miguel Carcasona Brau e Asier Navas Martínez.Un libro de 185 paxinas, en o que como dezimos se normalizan, se fan normals, sin fer trestallos ni alpartatos espezials, as dos luengas charratas güei encara en a Bal de Tena; un conchunto de sobrebuena literatura. Per zierto, como curiosidá dezir que a distribuidora zaragoza se clama Nogara Libros. Reseña de Óscar Latas Alegre en a zaguera rebista ESPIELLO de Nogara.
20/09/2007 16:19. remenches #. sin tema

Diya Europeo d'as Luengas

20070924101004-images.jpg

Tras el éxito del Año Europeo de las Lenguas 2001 en general, y del primer Día Europeo de las Lenguas en particular, se ha elegido la fecha del 26 de septiembre para garantizar la celebración anual de una jornada dedicada a las acciones en pro del aprendizaje de idiomas.

En l'Alto Galligo, se fa un auto en a Biblioteca Rosa Regàs de Samianigo de leutura de testos en aragonés á ixo d'as 19 oras. Ya tos lo cuentan millor en o Diario del AltoAragón.

24/09/2007 15:07. remenches #. sin tema

Testo en aragonés biello sobrarbenco

Proceso de Infanzonía de los Las Corz de Lamata, año 1458

Como ejemplo de lo que dijeron los testigos, he elegido un fragmento de las declaraciones de Rodrigo Naval. Éste afirmó que “oyó dezir a Juana la tiñosa dona antiga, la qual está en su casa e y es viua guey en día que dize que venía de Infançones et era sallido lo aguelo de García Lascorz mayor de días de Lascorz de Avicanla. En cara que dize la dita Juana que oyó dezir a lo gaço  espada que rentava mal a Domingo Las Corz padre del dicho García en lo sitio del Castiello de Avicanla en el tiempo del Conte de Urgel que como se le xavia perder su fidalguía que él sabía que venía de línea de infançones de parte de su padre que eran sallidos de Las Corz de Avicanla e que venía de buena infançonía”.

El Gurrión 108, Agosto de 2007. Apellidos infanzones de Lamata (Sobrarbe) Jesús Cardiel Lalueza
25/09/2007 14:06. remenches #. sin tema

Luengas d'o mundo

Diccionario Espasa Lenguas del Mundo, de Rafael del Moral Aguilera

[Madrid, Ed. Espasa Calpe, 2002; 668 pp.] O zaguer treballo de Rafael del Moral, ye iste libro en o cualo, seguntes l’autor, no pretende polemizar, sino catalogar, meter orden en as luengas d’o mundo.Rafael del Moral ye dotor en Filolochía por a Unibersidá Complutense de Madrid, e conta en iste libro con una noteta de debán feita por Manuel Alvar, uno d’os zaguers testos escritos antis de morir.Dentro d’iste camatón de luengas que se charran por tantísmos puestos d’a Tierra, dixa claro l’autor una declarazión de prinzipios: “En muchos lugares del mundo las lenguas familiares no salen a la calle, lugar público donde sólo florece la lengua vehicular (...) Coincidiremos, por tanto, en acordar la existencia de una lengua allí donde sus habitantes dicen que sienten que existe”.Por o que pertoca a ra nuestra lengua, cal dizir, que en o capitulo de “Lenguas y familias de Lenguas”, l’aragonés no amanexe como dentrata propia (p.381) ni en o mapa de luengas d’Europa (tampó lo fa l’asturiano), pero si en o trestallo de luengas románicas (p. 383): “Lengua: Aragonés, Hablantes: 11.000, Dominio lingüístico: España (Este de Aragón [sic]). Bilingües con el español.”.En o trastallo de “Países, territorios y lenguas”, cuan se leye ra boz España (p. 537) amanexe ro siguiente: “Lengua: aragonés. Hablantes: 10.000. Observaciones: Al uso hablado se añade la publicación de algunas revistas”. Antimás fa iste chiquet comentario: “Aunque el llamado aragonés, en Aragón, el bable en Asturias y el aranés en Cataluña no son lenguas cooficiales se benefician de una especial protección y promoción dentro de sus comunidades”. O feito de que se metan asti 10.000 e no pas 11.000 charradors ye perque seguntes se nos diz, os datos zagueros son d’a Enciclopedia Britanica, Book of Year (2001). Dimpués en a p. 754, en a “Clasificación general de las lenguas del mundo por nº de hablantes”, l’aragonés fa ro lumero 754 en a Tierra por lumero de charradors, con 11.000 charradors, e torna a ripitir que semos bilingües con l’español.Remata esponiendo tanto en o “Indice general de lenguas, dialectos y variedades”, como en a “Clasificación genética de las lenguas del mundo”, que l’aragonés ye una lengua románica (indoeuropea).Unatra reconoxedura de l’aragonés como luenga romanica que adubir , a primera d’ista añada 2002.Óscar Latas Alegre, Fuellas lumero 148, año 2002.
27/09/2007 23:38. remenches #. sin tema

Tetular d'a 1ª plana d'o Diario del AltoAragón

20070929130919-detalle-pagina24foto1-570b5cd2.jpg

» Reivindican en Sabiñánigo que se imparta aragonés en horario lectivo.

La lectura pública de los textos en aragonés abrió el programa de actos. - M. P

Los colectivos Calibo y O Caxico organizaron el Día Europeo de las Lenguas

 

29/09/2007 18:10. remenches #. sin tema


Plantilla basada en http://blogtemplates.noipo.org/

Blog creado con Blogia. Esta web utiliza cookies para adaptarse a tus preferencias y analítica web.
Blogia apoya a la Fundación Josep Carreras.

Contrato Coloriuris