Copleros

Cuan son amigos os que ganan bel concurso, te fa lo mesmo de goyo que si lo eses feito tú. Asinas yo me foi contento de que o concurso de coplas en aragonés d'o conzello de Zaragoza, premien con o primer premio á Santiago Paricio.

Bel azesit plegó tamién enta J.J. Lagraba, en castellano  A. Arilla e en catalán estió o premio ta J. M. Gracia. Entabán.

1 comentario

[Charrabís - 12 de junio de 2007 - 03:17]

Oscar, yes tot un sol!!

Muistismas grazias por iste post, te lo agradeixco muito. Ya te puez fer cuenta d'o contento que me fazió cuan me lo comunicón. Estió o chuebes chusto UNA ora antes d'un examen y bueno, no aturaba de foter blincos por tot. Uf, qué emozión.

O poema lo fazié en ribagorzano de Campo y con una grafía castellana de tot (ay, qué mal) ta que pareixese que lo eba feito uno d'allí.
Amás, ye un poema que teneba en a cabeza dende fa muito tiempo, nomás una simién, pero quereba escribir-ne bella cosa, porque ye como un dialogo, como un mensache ya perdiu a las mías dos goletas: Fausta y María. A primera, pobreta, lo pasó mui mal os zaguers años d'a suya bida; y a segunda yera tot un rebolquín d'enerchía por bibir. Uf, ye un poema (y ye d'os primers que he feito) que me salió dende o corazón. Pocos en eba escrito asinas, mui mui pocos.

Como "conchunto de coplas" no creyeba que ganase, porque ye una cosa mui intima, no ye una cosa asinas festiba ni guaire tipica d'as coplas de fiestas, encara que sí que en i hai asinas.
Con tot u con ixo miré de fer o poema una mica con ixa traza d'as jotas, con ixe ritmo. A cadenzia azentual ye mui pensada y tamién cada parola y a rima.

Bueno, remato: muitismas grazias por a tuya felizitazión, y a beyer si me merco un exemplar d'o tuyo nuebo libro, encara que a lectura se retrasará dica berano, que agora con examens y no adubo.

Un saludo mui gran! por zierto, iste berano puyaré ta Chaca dos semanas, asinas que bel día m'amano ta Samianigo, que tenemos que fer una buena charrada. D'acuerdo?