Un poema en aragonés de Rafael Andolz

¿Qué tiens en ixos güellos, zagaleta,

que me punchan como pugas d’una aliaga?

En os pulsos a sangre me s’apreta,

yo quererba fer algo y no me baga.

 

Sólo pensar en tú, ro mío esmo,

sólo guallarte a tú ra mía faina,

como si estaras tú ra mía raina

o que yo ya no estase más yo mesmo.

 

Como puya l’aliga enta ras zimas

ixindo de la boira de l’ibón

yo te beigo a trabés de mis glarimas

y tú te dentras n’o mío corazón.

 

Rafael Andolz (Fanlo, 1996)