Omenache á Pardo Asso

O benién domingo 8 de mayo á ras 16 oras se ferá un omenache en o zentro sozial de Samianigo Alto á ro lexicografo aragonés José Pardo Asso.

Conoxito por o suyo Nuevo diccionario etimológico aragonés, mosén José Pardo Asso (Santa Zilia, 1880 - Samianigo, 1957) ye encara un ilustre desconoxito.

A suya obra lexicografica ye un esfuerzo por dinnificar a luenga d’a suya tierra e, con ella, á ros suyos fablans. Pero namás ye una mas d’as fazetas d’iste firme esfensor d’o patrimonio e autibista cultural.

L’auto, organizato por l’aria de politica lingüistica d’a Comarca Alto Galligo, con a colaborazión de Rolde O Caxico, contará con l’autuación mosical d’o dúo L’artica e o escubrimiento d’una placa en a suya onor.