Recosiros

A foto ye de 2004, la he trobata escoscando l’ordinador. Ye feita en Monzón, ixo seguro. O de 2004 lo me diz a mesma foto. Ixe diya estiemos con Elena Chazal compartindo palestra e ilusión. Encara compartimos ilusión per a mesma cosa. As tres presonas que amanixen retratatas yeran allora amigos. Son encara amigos, muito més amigos, que ta ixo son bellas añatas més de charradetas curtas. En as mesmas luitas. Con dos me trobé fa poco en un rezital poetico de poetas saharauis; dinnificando arenas e xuplidos. L’atra presona amostraba fa poco, en a mia redolata, o impauto d’Espelunziecha á bels ninos. Tres presonas fablando e atra mirando. Bi ha atras cosas que a foto no cuenta. Ye lo que tienen os retratos, no gosan fablar muito més d’o que dizen. Talmén millor, ixo queda ta ros recosiros...