Canta chesa de fer chiflos
En l’año 1957 fa unas encuestas a Sección Femenina de Falange en toz os puestos de l’Alto Aragón ta prebar de replegar os istrumentos mosicales, danzes, ez. En Echo, ixa encuesta la replena D. Veremundo Méndez Coarasa. Son tres fuellas plenas de datos de cómo feban “tremolar los platillos”, d’as tortas de fiesta “llamadas aquí cocas”, de cómo demandaban os aguinaldos de nabidá “lo que se llama correr la rocha”, e trascribe una “canta” que se feba ta Santa Águeda d’a que metemos sólo que un troz ta fer boca: “Vamos, señora, no sea tarda, que también tomaremos, alguna magra”.
Astí nos cuenta d’entre atrás cosas, como feban os zagals os “llamados aquí chiflos en fabla chesa”, feitos de “sarga, verga o mimbre”, como puyaba a sabia, feito que astí se clama “subir la verga”, e que tanimientras se quita a piel se rezita ista canta tradizional u “conseja”:
Sana, sana la’squerola
sana, sana cuchiflet
si no a esta vez
a la otra vez.
La virgen de Puyeta
que me saque esta chifleta.
La virgen d’Escabués
que me saque este chiflet.
Pie de mula
Pie de macho
y tamién de l’algardacho
un, dos y tres
chiflo yes.
LATAS ALEGRE, Óscar (2003): "Canta chesa de fer chiflos", Fuellas d’informazión d’o Consello d’a Fabla Aragonesa, 155, p. 15.
1 comentario
Anonimo -