Mosen Laplana, beato de Plan

Güe puya enta os altars (u millor dito lo puyan chunto con 497 més, ya puestos!) Mosen Cruz Laplana. Gran diya; una colla con o mandamás J. Mª Fantova, alcalde per Chunta Aragonesista á la capeza, e muitas chens de Plan son en Roma fendo á iste sobrarbés, beato. Naxió Don Cruz en o lugarón de Plan, en casa Alonso en 1875, e ascape estió de mosen en Chistau. Dimpués plegó á estar de Bispe de Cuenca, pero os royos, en 1936 lo asesinoron. A suya bida astí.

Á yo, cuan iste brano en Plan me dizioron que iban fer a Mosen Cruz beato, dizié: "tó ye poco, santo tenerban que fer-lo". No sé, li tiengo estima, talmén, perque estío l'informán en Plan de mi quiesto Saroïhandy ta prenzipios de sieglo, un beato que li daba bamba de charrar pro bien l'aragonés d'a bal, uno d'os millors fabladors allora de chistabín. Sí, fer-lo beato se queda curto. Ye menister esbiellar ixe esmo istorico. Tos demando una orazión per l'alma de Don Cruz Plana, per o serbizio que fazié á ra filolochia aragonesa. Amén.