Se muestran los artículos pertenecientes a Junio de 2007.
Ayere Mariano Coronas me nimbió un gurrión dende A Buerda, un gurrión sobrarbenco. Estaba aniellato, en o lomo teneba un lumero, 107; e una fecha mayo de 2007, que pienso que no será como a de os yogurs, de caduzidá, sino de fabricazión. ¡Menuda ta fer bolar ixe paxaro dende 1980, osús qué treballo! Mª Bitoria Trigo firma un articlo firme majo, un omenaxe tricolor enta 43 debisión republicana, e Mª Pilar Benítez escribe en ixa luenga basta e no reconoxita por o suyo nombre en o’statuto mayoritario e que se clama “O CEIP Asunción Peñart de l’Ainsa y o procheuto d’animazión arredol d’a luenga e a cultura aragonesa”, con una foto d’os amigos Ángel e Toche en L’Ainsa. Tamién amanixe un articlo de yo que se clama “A Buerda en a prensa estatal de 1857”, en a plana 23. Qui lo quiera leyer que drente en www.elgurrion.com, un gurrión de altos buelos.
-En Uesca: “Hablar con el lector te retroalimenta”entrebista a Óscar Latas en Diario del AltoAragón . Tamién en ixe diario en ixa feria, fabla Chusé Inazio Nabarro "“Ésta es una feria en la que estás a gusto”.
-En Zaragoza: «Asistimos a la muerte en directo del aragonés» entrebista con Rubén Ramos en 20 minutos
Cuan son amigos os que ganan bel concurso, te fa lo mesmo de goyo que si lo eses feito tú. Asinas yo me foi contento de que o concurso de coplas en aragonés d'o conzello de Zaragoza, premien con o primer premio á Santiago Paricio.
Bel azesit plegó tamién enta J.J. Lagraba, en castellano A. Arilla e en catalán estió o premio ta J. M. Gracia. Entabán.
‘Trobada de escritors en o Pirineo (en luengas catalana e aragonesa)’, que se fará en Pandicosa os diyas 29 chunio dica 1 chulio ... [a notizia astí]
Pedazo de conzierto ayere en Zaragoza, d'a colla mexicana Mana. Encara me traquitian as orellas d'a potenzia, a fuerza debán d'o eszenario, as rancheras á ritmo de rock, as soflamas solidarias d'os ninos sudamericanos, 20.000 presonas en a Romareda. Ola copón! L'aneudota: o conzellero d'o PSOE de L'Ainsa que i yera, güé á feito burro falso cuan puyaba (yeran chustetes os botos) e en cuentas d'o suyo partito agora: l'alcalde d'o PP pos no ye plegato á tiempo...
Que iste diya biernes 22 á ras 20 oras en o zentro cultural "A Faxuala" de Pandicosa, se presentan os materials ta aprender aragonés, libro que a feito a dotora en filolochía Mª Pilar Benítez. Un manual polito, muderno, de diseño autual e con garantías filolochicas plenas. Un diya siñalato ta ra istoria de l'amostranza de l'aragonés.Plantilla basada en http://blogtemplates.noipo.org/
.
Estadísticas.
Suscribir RSS.
Admin.