Facebook Twitter Google +1     Admin

remenches dende l\'alto galligo

Dende l'Alto Galligo

Temas

Enlaces

Archivos

 

Roberto Cortés Alonso (Zaragoza, 1972-2015)

20151018161044-img-20151018-160142.jpg

Baxo a plebia

 

Encadados en un paso sotarranio ...

Difuera, una tamborinada d’augua

inunda las bías d’o trembía.

A plebia no atura

e l’augua dentra fendo tollos.

Beluns aprobeitan ta fer-sen un fumarro.

Una chobena parella se besa.

Una mai abriga á la sua filla.

Difuera, a plebia se fa más sebera

E dengún no gosa salir sin bateauguas...

por un inte prexino

que somos un bel refuchio antiaerio.

Caye a nuei, e a plebia

contina firme e con rasmia

sobatendo los cristals d’a mia cambra...

Allora , ya feba tiempo que lebaba

en o tozuelo «Réquiem per nusatros» ...

Dende a finestra s’alufran

berdaderas riadas d’auguas marrons

baxando por as laderas

d’os mons d’a redolada.

A carrera prenzipal ya yera

un afluyen más d’o Moldaba.

Me poso en a mesa

e entre uns papels plens de notas

empezipio á escribir.*

 

*R. Cortés, Réquiem per nusatros. Huesca, Publicazions d’o Consello d’ Fabla Aragonesa, 2004, pp. 33-34

29/06/2015 09:29. remenches #. sin tema

Comentarios > Ir a formulario



Plantilla basada en http://blogtemplates.noipo.org/

Blog creado con Blogia. Esta web utiliza cookies para adaptarse a tus preferencias y analítica web.
Blogia apoya a la Fundación Josep Carreras.

Contrato Coloriuris