Blogia
remenches dende l'aldo galligo

Charraire Fest en Pandicosa (Alto Galligo)

Charraire Fest en Pandicosa (Alto Galligo)

Pandicosa aloixará a primera edizión d’o
Charraire Fest 2010, a fiesta d’as luengas d’Aragón”


Una chornada d’actibidaz ta l’ aire libre arredol d’as luengas d’Aragón se i zelebrará o benién 12 de chunio achuntando ziudadans y asoziazions intresatos en a nuestra cultura


Charraire Fest 2010, a fiesta d’as luengas d’Aragón”, ye un festibal partizipatibo ta o que i son combidatos toz os aragones/as que lis agane pasar una chornada gronxiata en o Pirineu aragonés con una ripa d’actibidaz festibas y culturals arredol d’a realidat trilingüe aragonesa.

L’obchetibo d’a chornada ye amanar d’una mena ludica y partizipatiba a realidat d’as nuestras luengas minorizatas, l’aragonés y o catalá, ta totas as presonas intresatas en o nuestro patrimonio cultural. Mientres a chornada se i zelebrarán diferens actibidaz, de raso de gufaña, ubiertas ta tota mena de publicos, ta conoixer as nuestras luengas d’una traza dibertita.

Entre as actibidaz prebistas cal destacar una gambadeta menata en a que se i explicará a flora, fauna y toponimia d’a redolada, tallers de bailes, animazión infantil, mosica tradizional, procheczions de bideo, feria asoziatiba, dj’s de mosica aragonesa, teatro y una mesa redonda sobre l’aragonés y o catalán en os meyos de comunicazión aragoneses. Totas as actibidaz son endrezatas ta chen que, anque no dominen as nuestras luengas, puedan realizar-las y partizipar actibamén en ellas.

Charraire Fest 2010, a fiesta d’as luengas d’Aragón”, zelebrará a suya primera edizión en Pandicosa baixo a coordinazión de Ara Cultural, el patrozinio d’o Gubierno d’Aragón, a Comarca de l’Alto Galligo, o conzello de Pandicosa y a partizipazión de diferens asoziazions lingüisticas aragonesa..

O programa, un chicot bideo de presentazión y notizias sobre “Charraire Fest 2010” se pueden trobar en a web: www.charraire.org

0 comentarios