Una trentena d’alumnos, asistioron en a siede d’a UNED en Samianigo á ras clases de ra “Universidad de la Experiencia”, que organiza per terzer begata a Unibersidá de Zaragoza e ascrita a ro Instituto de Ciencias de la Educación.

A nobedá d’ista añata estió fer bellas sesións d’un taller d’inbestigazión, en colaborazión con o museu etnolochico de Sarrablo d’o cualo ye direutor Javier Lacasta Maza. A Universidad de la Experiencia, dirixita per A. Ubieto, ye ta chens més grans de 55 años. Cada taller fa bellas 34 oras leutibas en clases de dos oras de durata, e tienen un granizo carauter partizipatibo e prautico. Dintro d’iste cursé d’ista Unibersidá se son fendo en o mes de chinero (os diyas chuebes) clases de o modulo clamato “Istoria de Sarrablo”, impartitas per o mayestro Óscar Latas Alegre.

Con ista autibidá, una trentena de presonas d’os destintos lucars de l’Alto Galligo, esbielloron os suyos tarrancos istoricos.